भिजन क्लवको संयोजकत्वमा शैक्षिक सामग्री वितरण
Admin
December 20, 2023
बालबालिकालाई शैक्षिक सामग्री वितरण तथा दृष्टि विहिनहरुलाई भोजन सहित स्व. विर बहादुर तामाङको स्मृति कार्यक्रम सम्पन्न भएको छ । अल्पआयुमा नै दिवंगत स्व. तामाङको तेस्रो बार्षिक पुण्य तिथिका अवसर पारेर मंगलबार काठमाडौंको गोकर्णेश्वर स्थित दृष्टि विहिन आमाघरमा बालबालिका तथा दृष्टि विहिन लक्षित कार्यक्रम गरिएको हो ।
विश्वव्यापि मानविय सेवाभाव र सामाजिक उत्तरदायित्वको लक्ष्य सहित स्थापित सामाजिक संस्था भिजन क्लव अफ काठमाडौंको संयोजकत्वमामा आयोजित कार्यक्रममा दृष्टिविहिन आमाघरका सदस्यहरुलाई भोजन तथा बालबालिकालाई शैक्षिक सामग्री प्रदान गरिएको थियो । स्व. तामागंकी श्रीमती सविना तामाङले आयोजना गरेको यस कार्यक्रममा स्व. आत्माको चिर शान्तिको कामना सहित परिवार तथा समाजप्रतिको उनको योगदानको स्मरण गरिएको थियो ।
परिवार तथा आफन्तबाट टाढा रहेका र बाह्य आँखाले संसार हेर्न असमर्थ विभिन्न उमेर समुहका दृष्टिविहिन तथा बालबालिका लक्षित यस कार्यक्रमले पारिवारिक आत्मियता प्रदान गरेको भन्दै आमाघरका पदाधिकारी तथा सदस्यहरुले खुशी व्यक्त गर्नुका साथै आयोजक स्व. तामाङंको परिवार र संयोजक भिजन क्लवस् अफ काठमाडौंलाई धन्यवाद प्रदान गरेका छन् ।
फोटो सौजन्य: कृष्ण श्रेष्ठ
-
