भिजन क्लब अफ काठमाण्डौंद्वारा मेलम्चि र सिन्धुलीमा शैक्षिक सामग्री वितरण
Vision Int Team
September 24, 2024
असोज ७, काठमाडौं । भिजन क्लब अफ काठमाण्डौंले आज मेलम्ची नगरपालिकामा शैक्षिक सामग्री स्टेशनरी वितरण गरेको छ । मेलम्ची न.पा वडा नं. ५ सिन्धुकोट स्थित श्री कालिका आधारभुत बिद्यालयका नर्सरी देखि कक्षा ५ सम्मका ७५ जना बिद्यार्थीहरुलाई क्लबले स्टेशनरी वितरण गरेको हो ।
कार्यक्रममा भिजन क्लब अफ काठमाण्डौंका अध्यक्ष राजकृष्ण श्रेष्ठ, उपाध्यक्ष जीवन श्रेष्ठ, कोषाध्यक्ष जयराज श्रेष्ठ, भिसिआई विष्णु बहादुर श्रेष्ठ, सैलेश थापा लगायतले मेलम्ची न.पा वडा नं. ५ का वडा अध्यक्ष बुद्ध बहादुर रोक्का, प्रधानाध्यापाक राममणी सिग्देलको उपस्थितीमा विद्यार्थीहरुलाई स्टेशनरी हस्तान्तरण गर्नु भएको थियो । सो अवसरमा विद्यार्थी भाईबहिनीहरुले स्वागत नृत्य प्रस्तुत गरेका थिए । कार्यक्रमको संयोजन शिक्षक भिम बहादुर बस्नेतले गर्नु भएको थियो ।
यसैगरी भिजन क्लब अफ काठमाण्डौंले असोज ४ गते सिन्धुलीमा शैक्षिक सामग्री वितरण गरेको थियो । भिसिआई विष्णु बहादुर श्रेष्ठ, सैलेश थापाले स्टेशनरी वितरण गर्नु भएको थियो ।
सिन्धुलीमा कक्षा १ देखि ८ सम्मका ९९ जना विद्यार्थीलाई शैक्षिक सामग्री स्टेशनरी वितरण गरिएको भिसिआई विष्णु बहादुर श्रेष्ठले जानकारी दिनु भयो ।
